Фёдор Павлов


Фёдор Павлов

Федор Павлович Павлов 1892 ҫулта авӑнӑн 25-мӗшӗнче Хусан кӗпернин Етӗрне уесӗнчи (халӗ ЧР Ҫӗрпӳ районӗ) Патӑрьелӗнче хресчен кил-йышӗнче ҫуралнӑ. 1901–1904 ҫулсенче ялти шкулта вӗреннӗ, ун хыҫҫӑн Иккассинчи икӗ класлӑ шкула кайса кӗрет.

1907–1911 ҫулсенче Чӗмпӗрти чӑваш шкулӗнче пӗлӳ илет. Вӗренсе тухсан, ӑна ҫав шкултах музыка вӗрентме хӑвараҫҫӗ. Икӗ ҫултан вӑл Чӗмпӗрти тӗн семинарине вӗренме кӗрет.

1916 ҫултанпа шкулта, суд ӗҫӗнче, ҫутӗҫ учрежденийӗсенче ӗҫлет. Уйрӑмах тӑван музыкӑпа драматургие аталантарас тӗлӗшпе нумай вӑй хурать: чӑваш хорне йӗркелесе ярать, музыка шкулне уҫас ӗҫе хутшӑнать. Вӑл чӑваш хорӗн дирижерӗ, музыка шкулӗн преподавателӗ пулнӑ.

1930 ҫулта вӑл Ленинградра Н.А. Римский-Корсаков ячӗллӗ консерваторине вӗренме кӗрет. Туберкулез чирне пула 1931 ҫулхи ҫӗртмен 2-мӗшӗнче Сочири санаторире хӑвӑрт вилсе каять.

Ф.Павлов литература ӗҫне 1910 ҫул тӗлнелле тытӑннӑ. Малтанхи тапхӑрта вӑл ытларах чӑвашла тата вырӑсла лирикӑлла сӑвӑсем ҫырнӑ, Октябрь революцийӗ умӗн драматурги жанрӗпе ҫырма пуҫлать.


Хайлавĕсем

Хушма каçăсем