Маттур, Виталий Петрович! Тавах сана!
Эп те кӗҫӗр П.В.Ивантаева асӑнса сӑвӑ ҫыртӑм.
Питӗ нумай ҫухатрӗ ҫак кунсенче Чӑваш Тӗнчи.
Шел, питӗ шел!
Валери Туркай

Ивантаев чăваш президенчĕн чи малтанхи суйлавне кандидат пулса хутшăннă. Çав суйлавра вăл пачах та ытлашши пулман.

Мана вӑл 21.11.2015 ҫулта хӑйӗн Ивантаев П.В."Возвращение к истокам" (Историко-краеведческие очерки) - Чебоксары 2015 кӗнекине"Галина Вячеславовна Зотовӑна хисеплесе автортан",- - тесе алӑ пусса парнелерӗ.
Петр Васильевич хӑй ҫуралса ӳснӗ ялне халалланӑ 344 страницӑран тӑракан сумлӑ кӗнекене темиҫе хутчен те вуласа тухрӑм.
Ӑна кура эпӗ те хамӑн ҫуралнӑ яла халалласа Вячеслав Александров Галина Зотова "Кукшумский колос"(2016) тата хам 35 ҫул хушши ӗҫленӗ Хӗрлӗ Чутай районӗнчи Штанашри историллӗ шкул пирки "Островок знаний"(2018) кӗнекесем пичетлесе кӑларма вӑй-хӑват ҫитертӗм.
Петр Васильевич пирӗн аттене лайӑх пӗлнӗ.Вӑл ӑна 75 ҫулхи юбилей ячӗпе саламлама та килнӗччӗ. "Кукшумский колос"кӗнекере ҫак уявра ӳкернӗ цветной сӑнӳкерчӗк те пур: Айдак, Ивантаев, Александров тата тепӗр хисеплӗ хӑна-председатель (шел, эпӗ вӑл камне пӗлместӗп). Петр Васильевич сӑнӳкерчӗкре пирӗн ҫине яланхи куллипе тинкерет.
Пурнӑҫ ҫулӗ ҫинче Ивантаев пек ҫынсемпе тӗл пулни ҫав тери пысӑк телей тесе шутлатӑп, унӑн кӗнекине ыран тепре вуласа тухӑп. Тавах сире, Петр Васильевич! Эсир ҫут тӗнчерен уйрӑлнине ӗненессӗм те килмест...

Тепĕр чухне мĕнле çын пулни пĕрре пăхсах паллă.
Пётр Васильевич Ивантаев та çавăн пеккисен йышĕнченччĕ теме пулать.