Аçтахар Плотников: Вӑшлатса иртсе кайрӗҫ...

Аçтахар Плотников01.11.2007 19:155380 просмотров

Паян ман Чулхулари Раштав урамӗ тӑрӑх утма тӳр килчӗ. Раштав урамӗ Чулхулари лӑпкӑ урамсенчен пӗри. Ун тӑрӑх трамвайсем ҫӳреҫҫӗ, машинсене нумайӗшӗ урам хӗррипе лартнӑран — питӗ хӗсӗк. Ку юрампа юнашарах тепӗр урам иртет — Анат Атӑл ҫыран хӗрри ятлӑ урам, Атӑл хӗррипе иртет ӗнтӗ. Вӑл вара урӑхла — шавлӑ. Машинсем валли ятарласа тунӑ ӗнтӗ — сарлака, вӗҫтерсе ҫӳреме юрӑхлӑ.
Вӑт, фотоательене ҫул тытнӑскер ҫапла утса пыратӑп ӗнтӗ Раштав урамӗпе. Сасартӑк хыҫӑлтан сирена сасси илтӗнсе кайрӗ, урам тӑрӑх малтан милици машини, кайран темле администраци машини вӗҫтерсе иртсе кайрӗҫ. Ку урампа ахаль чухне машинсен хӑвӑртлӑхӗ 40 ҫухрӑмран иртмест, кусем вара — ҫӗр ҫухрӑмпа та хӑвалатчӗҫ пулӗ... Иртсе каякан ҫынсем вара мӑкӑртата иртсе кайрӗҫ — кун пек ачасене шарт ҫеҫ хӑратма пулать тесе...

От редакции: Размещение статей не означает, что редакция разделяет мнение его авторов.

[Добавить новый комментарий]