Аскольд Де Герсо: сӑвӑ йӗркисемпе

Аскольд Де Герсо01.04.2018 21:231414 просмотров

Ушкӑнра сана эп шыранмастӑп

Хирӗҫ утакансем самантлӑха.

Шанатӑп, шанӑҫа пӗр ҫухатмастӑп,

Ылтӑнтан хаклӑрах пурлӑха.

Мӑнкӑмӑллӑх сана чарса тӑрать-и

Е сивӗ ҫил кулса иртет умран.

Пӗрер-пӗрер сӑлтав чӑрмантарать-и

Иртейместӗп пӳрнӗ туйӑмран.

Тавҫӑрмастӑп – кам сана пӳрнӗ-ши,

Пӗтӗмпех арпашнӑ тӗнчере;

Иртнине тӗл тума халь пулать-ши

Паянхи упранать чӗрере.

Мӗскерпе тӗлӗнтерӗн? Шӑпа каласам,

Юрату парнеле – чӑннине,

Мӗскер пӗлтерейӗн? Ҫукпа ултала

Вӗҫеҫ сӑмахсем виҫмине.

Пӗр манна пӳрни, эс кам пулатӑн

Ӑҫта шыранмалла-ши ман сана?

Ак каллех ушкӑнра эп утатӑп

Эс иртетӗн ҫуммӑн васкаса…

От редакции: Размещение статей не означает, что редакция разделяет мнение его авторов.

[Добавить новый комментарий (1)]

Каччăсемпе пикесем хушшинчи хутшăну паянхи кун самаях ансат: килĕшетĕн - кайрĕç хăна çуртне е тата ăçта, телейне паян никам та ытлашшине тĕпчемест, укçине çеç тÿле, çиеле юлсан та, хасăр пулăшу кÿме хатĕр: медцентрсем харпăр, тата ача-пăча туянакансем те тупăнсах тăраççĕ.
Çавах та çакнашкал ыйту чяăвашсене тарăхтармасть пулас, е эсир пирĕн хушăра çавăн йышшисем çук теесшĕн-и? Чун-чĕре тасалăхĕ пĕрне те тăнăçсăрлантармасть-шим?