Войти | Регистрация | Вход необходим для полного использования сайта
 +5.0 °C
Когда у меня нет новых и новых идей для обработки, я точно больной.
(И. Гете)
 

Аçтахар Плотников: ЧНК Президенчӗ пулма шут тытакансене те шыва чӑмтармалла мар-ши?

Аçтахар Плотников10.10.2017 14:134090 просмотров

vodopad_serebrjanyj_kaskad

Кӗҫех Чӑваш наци конгресӗн Аслӑ пухӑвӗ иртмелле. Кӑҫал ӑна йӗркеленӗренпе 25 ҫул ҫитет те ҫак чаплӑ уява ирттерме тӗплӗн хатӗрленеҫҫӗ. Хӗрӳленсе ӗҫлеҫҫӗ.

Аслӑ пухура ЧНК Президентне суйламалла. 28-мӗшччен вӑхӑт нумаях юлмарӗ пулин те мӗнле кандидатсем пурри пирки халӗ те паллӑ мар-ха. Те Угасловах хӑвараҫҫӗ, те Валерий Клементьева пӗр картлашка ҫӳлерех хӑпарма сӗнӗҫ. Паллӑ мар. Мӗнех, ку вӑл вӗсен шалти ӗҫӗ. Ахаль халӑхран тахҫанах ыйтма пӑрахнӑ та, хура халӑха ку ыйту пӑшӑрхантармасть. Апла-и, капла-и, «Кама лартаҫҫӗ-ши?» — текен ыйтӑва халиччен никамран та илтменччӗ-ха. Пуриншӗн те «ик айкки те тӑвайкки».

Ку сӑмаха ма пуҫартӑм-ха? Раҫҫей шайӗнче пӗр хыпар ҫӳрет. Кремль, имӗш, кӗпернаттӑрсен пуканне йышӑнма пултаракансен йышне хатӗрлет. Космонавтсене хатӗрленӗ пекех вӗсене вӗрентеҫҫӗ: ятарласа Сочире пухнӑ, ӑслӑ-тӑнлӑ ҫынсем лекцисем вуласа панӑ. Вӑл ҫеҫ те мар, пулас кӗпернаттӑрсене ҫичӗ метр ҫӳллӗшӗнчен шыва та сиктернӗ.

Шухӑшларӑм та... Тен, пирӗн те ЧНК Президенчӗ пулас кандидатсене ҫапла хатӗрлемелле? Республика Пуҫлӑхне Раҫҫей Президенчӗ лартать (суйлатпӑр пулин те Мускавра ырламасӑр ку пукана йышӑнма ҫавах ҫук), апла-тӑк пӗртен-пӗр халӑх суйлама пултаракан хисеплӗ вырӑн ЧНК Президенчӗ юлать. Пулас кандидидатсем умӗнче лекцисем вуласан ман шутпа ним япӑххи ҫук. Чӑвашсен историпе паллаштарас, культурипе.

Сывлӑхӗ те ҫирӗп пулнине тӗрӗслесе пӑхма пӗр-пӗр спорт ӑмӑртӑвӗ ирттерме пулать. Сочири пек шыва сиктерме, шел те, пирӗн тӑрӑхра шывсиккисем ҫукрах. Пур-ха. Муркаш районӗнчи Куҫкин патӗнчи. Ун ҫӳллӗшӗ 10 метр таранах теҫҫӗ те, анчах аялта чул кӑна, шыв ҫук. Унтан чӑмсан пуҫа ҫурасси ҫеҫ пулӗ. Ҫапла май вара кандидидатсен сывлӑхне пӗр-пӗр спорт ӑмӑртӑвӗ ирттерсе ҫеҫ тӗрӗслеме пулать.

Мӗнле шутлатӑр?

 

Ӳкерчӗк ҫинче: Куҫкин ҫывӑхӗнчи шывсикки.

 

Хушса ҫырни: вырӑнти халӑхпа канашласа илтӗмӗр те ЧНК Президенчӗн пуканне йышӑнма шут тытнисем хирӗҫ пулмасан вӗсем шывсикки патӗнче пӗчӗк кӳлленчӗк чавса пама хирӗҫ мар имӗш. Вырнаҫтарма та ҫичӗ метрлӑ вырӑнта тума пултараҫҫӗ.

 
От редакции: Размещение статей не означает, что редакция разделяет мнение его авторов.

Добавить новый комментарий

Ваше имя:
Ваш комментарий:
B T U T Заг1 Заг2 Заг3 # X2 X2 Ӳкерчĕк http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Если у вас все еще нет раскладки для печати текста на чувашском языке, ее можете взять ЗДЕСЬ.

Разрешенные Wiki тэги:

__...__ - выделение слова ссылой.

__aaa|...__ - выделение некого слова ссылкой на другое слово.

__http://ya.ru|...__ - выделение слова ссылкой на внешнюю ссылку.

**...** - выделение жирным.

~~...~~ - выделение курсивом.

___...___ - выделение подчеркиванием.


Orphus

Баннеры

Счетчики

 
О сайте | Помощь сайту | Статистика
(c) 2005-2017 Chuvash.Org | Номер свидетельства о регистрации в качестве СМИ: ЭЛ № ФС 77 - 68592, выдано 3 февраля 2017 года Федеральной службой по надзору в сфере связи, информационных технологий и массовых коммуникаций (Роскомнадзор).
Содержимое сайта (кроме статей, взятых из других источников) публикуется на условиях CreativeCommons Attribution-ShareAlike 3.0. Вопросы по работе сайта: site(a)chuvash.org