Ку кулӑшла та, анчах кун пек саккунсем пур. Вӗсене пӑхӑнманшӑн тӗрмене ларасси те инҫех мар.

♦ Францире сысна усракансене ӑна «Наполеон» ят хума чарнӑ.

♦ Италири саккунсемпе килӗшӳллӗн, Мария ятлӑ хӗр-хӗрарӑмӑн хӑйӗн ӳтне сутма юрамасть.

♦ Исландире Scottulaejir тесе ҫырнӑ ҫын медицина пулӑшӑвӗ пама пултарать. Вӑл сиплевҫӗ тенине пӗлтерет.

♦ Китайра путакан ҫынна ҫӑлма чараҫҫӗ, мӗншӗн тесен ку унӑн шӑпине сӑмса чикни пулать.

♦ Ҫурҫӗр Индире ӗнене вӗлерекен ҫынна ҫакса вӗлереҫҫӗ. Ӗне хыҫҫӑн каяшне тасатма хӑяканнин вара алӑсӑр юлас хӑрушлӑх пур.

♦ Ҫын урамра ҫӳп-ҫап тӑкнине виҫӗ хут курсан унӑн вырсарникунсерен урам ҫумалла. Ун ҫине «Эпӗ ҫӳпӗленӗ» тесе ҫыраҫҫӗ. Ун пирки вырӑнти телекуравпа та кӑтартаҫҫӗ.

♦ Канадӑра вывескӑсене французла ҫырмалла. Акӑлчанла ҫырма юрать, анчах саспаллисен икӗ хут пӗчӗкрех пулмалла.

♦ АПШри Марикопа-Каунире пӗр ҫуртра ултӑ хӗр-хӗрарӑмран ытлашши пурӑнма юрамасть.

♦ АПШри Лос-Анджелесра упӑшки арӑмне сӑран пиҫҫихипе хӗнеме пултарать. Анчах унӑн сарлакӑшӗ 2 дюймран ытлашши пулмалла мар. Ҫак хулара шапасене ҫуллама та чарать саккун.

♦ АПШри Флоридӑра алӑксен шалалла ҫеҫ уҫӑлмалла. Мариетта хулинче вара машинӑран е автобусран сурма юрамасть. Грузовикран вара – юрать.

♦ АПШри Миннесотӑра ҫаппа-ҫарамас ҫывӑрма юрамасть.

♦ АПШри Кресскилра кушаксене виҫӗ шӑнкӑрав ҫакса ямалла. Капла кайӑксем вӑл ҫывхарнине сисеҫҫӗ.

♦ АПШри Айдахӑра тӗве ҫинче ларса пулӑ тытма чарнӑ.

♦ Балтиморта театра ӑрасланпа килме юрамасть.

♦ Аризон штатра тӗвесене персе вӗлерме юрамасть.