Ватӑлатӑп ӗнтӗ, пуҫӑм та шуралчӗ,

Кӗмӗл пас та йӑлтӑрать тӑнлав ҫинче

Аттем сӑнӗ куҫӑмран каймарӗ,

Шав сӑнать вӑл ӑслӑ куҫӗпе.

...Вӑрҫӑ ҫулсене часах аса илетчӗ,

Сывлӑхӗ хавшакчӗ,сывлӑш пӳлӗнет,

Виҫӗ ҫуллӑх фашистсен хӗсмечӗ

Пурнӑҫне, пӗр шелсӗр вӑтӑрнӑ чунне.

Ирсӗр мӑшкӑла чӑтса тӳсмешкӗн,

Вӗсен парӑннӑ чури пулма,

Ҫынлӑха ҫухатнӑ нимӗҫсен

Ури умӗнче чӗркуҫленме-тӑма...

Выльӑхсен те пурнӑҫ ун пек мар-тӑр.

Вилес марччӗ,мӑшкӑл курас марччӗ-

тесе шутлаттӑм ҫил вӗрнипелех ӳксе.

Епле эп чӗрӗ юлтӑм-ши, пӗлместӗп,

Чылайӑн юлчӗҫ нимӗҫ ҫӗрӗнчех.

-Эх,салтак шӑпи!Ӑҫта вӑл ҫитермерӗ,

Ӑшшине те,сиввине туйса.

Анчах пирӗн халӑх парӑнмарӗ,

Темӗн те тӳссен те вӑрҫӑра!

Мухтав! Мухтав сана совет салтакӗ,

Ҫӗре ҫити пуҫа таятпӑр тав туса!

Вилӗмсӗр паттӑрлӑхна сума сӑватпӑр,

Ан пултӑр вӑрҫӑ урӑх нихҫан та!