Гиннесс рекорчӗсен кӗнеки чи ҫӳллӗ ҫын йышне Султан Кесена кӗртнӗ. Вӑл 1982 ҫулта ҫуралнӑ. Унӑн алли те, ури те чи пысӑкки. Султан Турцире пурӑнать.

Султан валли саккаспа чи пысӑк пушмак ҫӗлеттернӗ. Ҫавӑн пекех перчетке, шӑлавар, футболка та саккаспа хатӗрленӗ. Чылайӑшӗ тума универмаргра суйлать, анчах Султанӑн унта кайни усси ҫук. Тӗлӗнмелле те, Султан темиҫе ҫул каялла та ӳснӗ. 2011 ҫулта вӑл 8 фут та 2 дюйм ӳснӗ.

Султан 246,5 сантиметр ҫӳллӗш. Унӑн ҫӳллӗшне Анкарара пӗрремӗш хут виҫнӗ. Кесен 2012 ҫулта Вирджини университетне пырса тухтӑрсенчен пулӑшу ыйтнӑ. Усал шыҫҫа пула унӑн соматотрин тата гигантизм ытлашши пулнӑ. Тухтӑр ӑна сипленме вырттарнӑ. Джейсон Шиан гамма ҫӗҫӗпе усал шыҫҫа касса кӑларнӑ. Ҫӳллӗ ҫын валли ятарлӑ хатӗре Швецирен илсе килнӗ. 2012 ҫулта тухтӑрсем Султан ӳсме пӑрахнине ҫирӗплетнӗ.

Чи ҫӳллӗ ҫын вӗренсе пӗтереймен, анчах вӑл фермерта ӗҫленӗ, ҫӗмйине пулӑшнӑ. Унӑн виҫӗ пиччӗшӗ тата йӑмӑкӗ пулнӑ. Вӗсем ҫӳллӗшӗпе йӗркеллех пулнӑ. Султан вара 10 ҫулта, усал шыҫҫа пула, ӳсме тытӑннӑ. 2008 ҫулта ӑна касса кӑларнӑ-ха, анчах вӑл малалла ӳснӗ. Ҫапла тепӗр операци тунӑ. Султан ура ҫинче нумай тӑраймасть – ывӑнать.

Султан тӗнчипе палӑрсан Аслӑ Британире, Германире, Австрире, АПШра, Исландире, Испанире Нидерландра, Бельгире, Румынире, Кубӑра, Гонконгра, Таиландра, Бразилире ҫулҫӳревре пулнӑ.