Тӗнче илемлӗ те тӗлӗнмелле. Хӑшӗ-пӗри ахаль ҫурт ҫеҫ купаламасть. Ҫӗр ҫинче хӑйне евӗр ҫуртсем пайтах иккен.

«Кукӑр макӑр ҫурта» Польшӑри Сопотере хӑпартнӑ. Унта Ян Марсин тата Пер Дахлберг пурӑнать. Ян - Польшӑри ача-пӑча кӗнекисен паллӑ ӳнерҫи. Пер – Швеци ӳнерҫи, Сопотере пурӑнать. Ҫурта 2003 ҫулхи кӑрлачра тума пуҫланӑ та ҫав ҫулах раштавра вӗҫленӗ. Вӑл Польша ҫыннисене тата туристсене тӗлӗнтерет те, савӑнтарать те.

«Вӑрман спиралӗ» ҫурта Германири Дармштадтра 1998-2000 ҫулсенче купаланӑ. Унта – 105 хваттер. Ҫавӑнтах – ресторан.

Торре Галатея Фигерас – Испанире. Чӑн-чӑн ҫамарта патшалӑхӗ тейӗн.

Фердинанд Шеваль керменӗ. Вӑл – Францире.

Карҫинкка евӗр ҫурт АПШри Огайо штатра вырнаҫнӑ. Унта – Лонгабергер строительство компанийӗн офисӗ. Вӑл - хӑйне евӗр офис. 1800 тӑваткал метрлӑ ҫурта икӗ ҫул хӑпартнӑ. Чылай эксперт Дэйв Лангабергера – компани пуҫлӑхне – шухӑшне улӑштарма сӗннӗ. Анчах усси пулман. Ҫапла майпа карҫинкка евӗр ҫурт ҫӗкленнӗ.

Миссури штатӗнчи Канзас-ситири вулавӑш. Хула халӑхне Канзас-ситипе ҫыхӑннӑ паллӑ кӗнекесене суйлама ыйтнӑ. Вӗсене Хулан тӗп вулавӑшӗн инноваци дизайнне кӗртнӗ. Ку вулакансен йышне те ӳстерме пулӑшасса шаннӑ.