Таисия Ташней22.04.2014 21:323556 просмотров

Чӑваш Енӗн вӗренӳ министрӗ Владимир Иванов

Чӑвашра пурӑнатпӑр пулин те чӑвашла ҫырнӑ хӑш-пӗр япала чуна ҫемӗҫтерсех ярать. Халь кӑна, акӑ, Чӑваш Енӗн влаҫ органӗсен официаллӑ порталӗнчи хыпарсене тишкернӗ май Вӗренӳ министерствин информацине тӗл пултӑм. Унта сӑмах черетлӗ мероприяти пирки пырать. Хам каярах юлса уҫрӑм та, министерство сайтӗнче пӗлтернӗ ҫав «ҫавра сӗтел» паян иртнӗ иккен.

«Ака уйӑхӗн 22-мӗшӗнче "Чӑваш чӗлхине вӗрентес, аталантарас тата функцийӗсене сарас ӗҫ" темӑпа ҫавра сӗтел иртӗ. "Хавал" чӑваш халӑх пӗрлешӗвӗпе ирттерекен мероприятие чӑваш чӗлхин пуласлӑхӗпе кӑсӑкланакансене пурне те йыхравлатпӑр.

16 сехетре пуҫланать», – ҫапла пӗлтернӗ асӑннӑ ведомство. Чӑвашла ҫырни айне вырӑсла вариантне вырнаҫтарнӑ. Чун савӑнчӗ.