Ҫакӑнта краҫҫин ламписем ҫинчен каласа парасшӑн-ха. Эпӗ хам ачалӑх вӑхӑтӗнче керосинкӑна та краҫҫин лампине те курнӑччӗ. Краҫҫинкӑпа (сӑнӳкерчӗк ҫинче ун ҫинче чейник ларать) апат та пӗҫӗретчӗ пулас анне. Краҫҫин лампипе вара ҫурта ҫутататчӗҫ. Электричество ҫӳккне пула мар — час-часах электричество пӗтетчӗ (халӗ ун пек мар ҫав, анчах та эпӗ пӗчӗккӗ чухне тӗттӗмре ларма час-часах килетчӗ — те электричество проводисене лайӑх туртса кайман пирки свет пӗтетчӗ...). Пӗтсен вара — краҫҫин лампине ҫутатчӗҫ килте. Ҫапла вара урама тухсан камӑн ҫутӑ пур — ҫавсен килте краҫҫин лампи пурри курӑнатчӗ.
//Халӗ вара свет пӗтсен пурте ҫурта ҫутаҫҫӗ — ун чухте пысӑк ҫуртасем ҫуккӑччӗ ҫав...