Войти | Регистрация | Вход необходим для полного использования сайта
 +4.3 °C
Где есть человек, там есть и случай сделать ему добро.
(Сенека)
 

Аçтахар Плотников: Ефим Никитич мӗн калӗччӗ-ши?

Аçтахар Плотников27.03.2013 18:544588 просмотров

Паян пӗтӗм тӗнче театр кунне паллӑ тӑвать. Республикӑра та ҫавна май тӗрлӗрен мероприятисем иртеҫҫӗ — спектакльсем лартаҫҫӗ, театр куравӗсем йӗркелеҫҫӗ. Арапуҫри (Вӑрмар районӗ) ял вулавӑшӗн ӗҫченӗсем те хӑйсене маттуррӑн кӑтартас тенӗ — «кӗрӗк арки йӑваласа лармастпӑр, ӗҫлетпӗр» тенешкел кӗнеке куравӗ йӗркеленӗ. Пӗлместӗр пулсан — ку ялта Никитин Ефим Никитин ҫуралса ӳснӗ. Вӑт ӑна халалланӑ та ӗнтӗ кӗнеке куравне вулавӑш ӗҫченӗсем.

Ефим Никитич (ӑна Кӗлпук Мучи ятпа чылайӑшӗ пӗлеҫҫӗ) паллӑ драматург — чӑвашла трагедисем, камитсем сахал мар ҫырнӑ, чылайӑшне театрсен сцени ҫинче вылянӑ. Вырӑсла ҫырман-ҫке! Анчах вулавӑш ӗҫченӗсем курава йӑлт вырӑсла ят парса йӗркеленӗ (ӳкерчӗк ҫинче эп вырӑслине ҫеҫ куртӑм). Ку тӗлӗшпе Ефим Никитич мӗн калӗччӗ-ши? Пӗр-пӗр шӳт тупса паратччех пуль.

//ыран вулавӑша шӑнкӑравласа кӑшт намӑслантарасшӑн-ха. Паян кая юлтӑм, килӗсене саланнӑ пуль...

 
От редакции: Размещение статей не означает, что редакция разделяет мнение его авторов.

Комментарии:

Вихтăр // 1039.8.4424
2013.03.28 09:51
Чĕлхене пĕлекенсем, хисеплекенсем Шупашкарта çеç упранса юлаççĕ малашне. Ялта ăçтан упранас чĕлхен, шăпăрлансем пĕчĕкренех пĕлеççĕ: ашшĕ-и е амăшĕ те хăш чух Чулхулана, Хусана е Мускава ĕçлеме каяççĕ( ялсенчи ĕç вырăнĕсене ятарласа пĕтерчĕç вĕт).Унта атте-анне ним те хатĕрлесе хуман, веçех хăвăн турткалашмалла. Шăпăрлансем ăçтан çил вĕрнине чухлаççĕ.
2013.03.28 10:54
Аçтахар Плотников
Шăнкăравларăм. Ял вулавăшĕн телефонне кăтартман та Арапуç ял тăрăхĕн администрацине шăнкăрав ятăм. Телефон кĕпçине тытнă çын тӳрех чăвашла саламлани килĕшрĕ. Вулавăш ĕçченĕ паян вырăнта мар иккен — конкурса хутшăнма кайнă. Администрацире лараканни ман сăмахпа килĕшрĕ, малашне куравсен ячĕсене чăвашла йĕркелемелли пирки çитеретĕп терĕ.
Agabazar // 3467.6.9355
2013.03.28 14:42
Agabazar
Мĕнпур ĕçе пĕтĕмпех вырăсла йĕркелесси ЙĂЛАНА кĕрсе çитнĕ. ЙĂЛА мĕнне вара эсир пурте пĕлетĕр. Лару-тăру хăй тĕллĕн улшăнас çук. Хăй тĕллĕн ним те улшăнмасть. Ку çутçанталăк саккунĕ. "ÇŸЛТЕН" ЫЙТАКАНСЕМ ÇУК ПУЛСАН ку тĕлĕшпе малашне те çаплах пулĕ.
Agabazar // 3467.6.9355
2013.03.28 14:46
Agabazar
Тимĕр, Вихтăр, Якур, Тури Вихтăр йышши "ХАСТАРСЕМ" ку тĕлĕшпе лару-тăрăва улăштарма пултарасса эп пĕрре те шанмастăп
Васса // 1089.9.9792
2013.03.28 15:06
Вихтăр,эс пĕлсех çыратăп тетĕн пуль, хулара çеç чăвашла пĕлекенсем, хисеплекенсем юлаççĕ тесе.Ялсенче те пур-ха ун йышшисем, туйсенче те чăвашлах юрлаççĕ, салтака та чăвашлах ăсатаççĕ,пур, çук мар. Хула пирки ман пĕрре те ун пек шутлас килмест...
Вихтăр // 1039.8.4424
2013.03.29 10:18
Васса! Хулара çеç тесе пĕр сăмах та каламастăп. Эп те кашни эрнерех яла çÿреп. Чăвашла калаçнине илтеп хушăран. Анчах ял ачийĕсем те вырăслах поплеççĕ-çке ытларах ялта. Çапах чĕлхе пуласлăхĕшĕн хула интеллигенцийĕ шутланă пек туйăнать те( тÿрех калатăп эп ни интеллигенци те ни ăсчах та мар). Хам чун ыратăвне çырап çеç.
Якур // 3889.03.5922
2013.04.01 22:32
Акапасар, эс шанакан шанчăклă çынсем пур-И, камсем вĕсем? Е эсĕ и один в поле воин. Хăв шаннисен ятне-шывне кала-ха, е ку секрет-и? Ну кала ĕнтĕ, тен эпир те шанатпăр вĕсене, вĕсен тавра пуçтарăнма пулать!

Добавить новый комментарий

Ваше имя:
Ваш комментарий:
B T U T Заг1 Заг2 Заг3 # X2 X2 Ӳкерчĕк http://
WWW:
ĂăĔĕÇçŸÿ
Всего введено: 0 симв. Лимит: 1200 симв.
Если у вас все еще нет раскладки для печати текста на чувашском языке, ее можете взять ЗДЕСЬ.
 

Разрешенные Wiki тэги:

__...__ - выделение слова ссылой.

__aaa|...__ - выделение некого слова ссылкой на другое слово.

__http://ya.ru|...__ - выделение слова ссылкой на внешнюю ссылку.

**...** - выделение жирным.

~~...~~ - выделение курсивом.

___...___ - выделение подчеркиванием.

Orphus

Другие языки

Баннеры

Счетчики