Аçтахар Плотников: Heroes of Might and Magic V

Аçтахар Плотников09.10.2006 16:014417 просмотров

Кунта пӗри чӑвашла ытларах ҫыр тесе ыйтатчӗ. Мӗнех, чӑвашла ҫырса кӑтартам-ха вара :)

Шӑматкун эпӗ ӑна туянтӑмах. Вӑйӑ тухнӑранпа нумай вӑхӑт иртнӗ-ха ӗнтӗ, ҫавӑнпа та ҫӗнӗ япала ҫинчен ҫырасси пулмасть...

Мӗн каласшӑн-ха эпӗ ку вӑйӑ ҫинчен. Хӑш-пӗрисене вӑл килӗшмен пулсан мана килӗшрӗ. Кӑштах пур ӗнтӗ, килешменни, анчах та пӗтӗмӗшле чӑнах та килӗшрӗ.

Мӗн килӗшмерӗ:
* Видеосенче сӑнарсем калаҫаҫҫӗ, анчах вӗсен ҫӑварӗ уҫӑлмасть.
* Шӑшипе усӑ курнӑ чухне питӗ асӑрхануллӑ пулмалла. Питӗ тӗл пусмалла, унсӑр пуҫсӑр йӑнӑшасси аякра мар.
* Ҫапӑҫусенче камерӑна пӗр тӗлте ҫыхса хунӑ. Ӑна пула хӑш-пӗр енчен, сан пӑхас килнӗ енчен ӗнтӗ, пӑхма май ҫук.
* Темшӗн питӑ нумай пысӑклатнӑ хыҫҫӑн (камера ҫӳле хӑпарсан ӗнтӗ), ман компьютер кӑштах чарӑна-чарӑна ӗҫлеме пуҫлать.
* Хӑрушкасем вилнӗ чухне пӗр енлӗ кӑна вилеҫҫӗ. Енчен те темиҫе тӗрлӗ ӳксе вилнӗ пулсан ман шутпа интереслӗрех пулӗччӗ.
* Хӑрушкасем пӗр вырӑнта тӑраҫҫӗ. 4 серийӗнче вӗсем утса ҫӳрени питӗ интереслеччӗ.
* Эх... хулисем тата мана килӗшмерӗҫ. Вӗсем пурте пӗр пек. Пер типлисем ӗнтӗ. Хула патенче юханшыв ҫук пулсан та шала кӗретӗн те... унта юханшыв... Юрать-ха, ҫапӑҫу хирӗнче тавралӑх улшӑнать.

Мӗн килӗшрӗ:
* 4 серийӗпе танлаштарсан хӑвна темле питӗ вӑйлӑ пек туймастӑн. Леш серийӗнче пӗрре те выляма интереслӗ марччӗ.
* Кашни ҫара лайӑхлатма пулать.
* Паттӑрсем чӑнах та вӑйлӑ.
* Хӑрушкасене хитре ӳкернӗ.

Халлӗхе ӑнланса ҫитереймерӗм-ха:
* Паттӑрсем хӑйсем ҫапӑҫмаҫҫӗ. Ку те лайӑх, те япӑх...
* Хӑрушкасем паттӑрсемсӗр ҫӳремеҫҫӗ. Тен лайӑх та пулӗ. Малтан хӑрушкасене хӑйсене яма пулатчӗ... халӗ вара паттӑрсӑр пуҫсӑр ҫӳремеҫҫӗ.

Источник: http://pcode.livejournal.com/55502.html

От редакции: Размещение статей не означает, что редакция разделяет мнение его авторов.

[Добавить новый комментарий]