Аçтахар Плотников: Ирхине / юрӑ

Аçтахар Плотников25.06.2010 10:584120 просмотров

В. Сергеевӑн «Ах, анне, йӑмӑка ан ятла» юрри мана питӗ килӗшет. Кӗвви те вырӑнлӑ, юрӑҫи те чунпа юрлать. Пурте ҫыпӑҫуллӑ темелле.
Паян вара, электронлӑ вулавӑша тултарнӑ май, юрӑ сӑмаххисен авторӗ кам пулнине пӗлтӗм — Николай Карай.

Сир, анне, чӳрече каррине,
Кармашать кун ҫути тӳпене.
Ах, аннеҫӗм-анне, кӗҫӗр йӑмӑк ҫукран
Чӗлкӗм куҫ ҫӗрӗпе эп хупман.
Ах, пулманччӗ капла нихӑҫан, —
Йӑмӑк халь те килмен вӑйӑран.

Уҫ, анне, кантӑка ик енне,
Ҫӗмӗрт кӑчӑк туртать хӑй патне.
Ах, аннеҫӗм-анне, мӑшӑрпа вӑйӑран
Йӑмӑк килчӗ киле — суя мар.
Ах, кӗмерӗ киле хапхаран,
Сывлӑм ҫийӗн ик йӗр юнашар.

Тух, аннеҫӗм, тух алӑк умне,
Именет пуль ҫӗн мӑшӑр кӗме.
Ах, аннеҫӗм-анне, йӑмӑка ан ятла,
Ыр сунса ыр кун-ҫул халалла...
Ҫил ачи сиксе шӑпӑр калать,
Шур сиренӗм туй ҫумӗ суйлать.

http://chuvash.org/lib/haylav/3230.html

Ку юрра эсир кунтан уҫласа илсе итлеме пултаратӑр. Тулькӑш юрӑна вӗҫӗнчи икӗ йӗрки кӗмен пулас.

Ҫил ачи сиксе шӑпӑр калать,
Шур сиренӗм туй ҫумӗ суйлать.

От редакции: Размещение статей не означает, что редакция разделяет мнение его авторов.

[Добавить новый комментарий]