Войти | Регистрация | Вход необходим для полного использования сайта
 +1.0 °C
Поистине ловок тот, кто умеет скрывать свою ловкость.
(Ф. Ларошфуко)
 

Валери Туркай: Шупашкарта Хаяр Иван патшан палӑкне уҫнӑ текен усал хыпара илтнӗ хыҫҫӑн ҫырӑннӑ сӑвӑ

Валери Туркай13.01.2020 14:44857 просмотровИзменить Удалить

Хаяр Иван – пачах та хаяр мар!..

Тумаллине вӑл тунӑ тахҫанах:

Юхтарнӑ юн, кӑларнӑ вӑл пушар...

Ман мӗншӗн савмалла тет пит ӑна?!

 

Ах, «Раҫҫее ҫӗкленӗ»?.. Раҫҫейре,

Каҫарӑр та, Иван ҫеҫ пурӑнман!..

Йӑлтах татса параҫҫӗ Тӳпере.

Аван — ялан ҫакна асра тытсан.

 

Иван ҫӑлман ман халӑха тахҫан!

Ӑна Иван паман телей сапса!

Ман халӑхӑм хӑй паттӑр пулнӑран

Вучахӗ ун ҫунать-ха ялкӑшса!

 

Тата ҫакна каласшӑн эп паян:

Ҫук, Иван мар, сӑнарӗ ун хаяр!..

Паян каллех ыйтатӑп Турӑран:

Ман халӑха упра та Шанчӑк пар!!!

 

Валери Туркай

27.12.19

 

Комментарии:

Пулкар // 1369.77.1047
2020-01-16 23:20
тислӗк ваньки вырӑссен ӗлӗк-авалхи ӗмӗтне пурнӑҫа кӗртнӗ. Атӑлҫи Пулкар ҫӗршывне тӗп туса анлӑ ҫӗрӗсене йышӑннӑ. Пулкар халӑхне чӑваш ятне панӑ, пулкарсем хӑйсен тӑван ҫӗршывне манса кайччӗр тесе.
Agabazar // 5834.6.5413
2020-01-17 05:24
Agabazar
"Чăваш" ята вырăссем мар панă. Суя ку. Вырăссем çынсенчен илтнине çеç каланă.
Микула // 9259.3.8429
2020-01-17 13:25
Чӑваш ят Хусанта Крымран кильнӗ хансемпе пӗр вӑхӑтра тухать. Вырӑсла летописсенче "мнози варвары из разных земель из Азуева и Крыма" тени те ҫав вӑхӑтсенчех. Чӑваш ят Крымра анлӑ сарӑлнине тата малтан каланине шута илсен пӗр пӗтӗмлетӳ анчах пулать. Чӑваш ят -ҫар сослови ячӗ- Крымран унти халӑхпа пӗрле куҫса кильнӗ ,кӗске вӑхӑтра хӑвӑрт сарӑлнӑ,пӑлхар(полкар,ар) ят вырӑнне йӑшӑннӑ. Кӗскен ӑнлантарсан ҫавӑн пек пулать. Паян кун ҫак верси кӑна ыттисенчен ӗненмеллерех янрать.
Agabazar // 4176.09.4316
2020-01-17 16:45
Agabazar
Микула,
сансăр пуçне кун пирки тек никам та сÿпĕлтетмест. Урăх никам та çук.
Уй варринче пĕччен ларакан тунката пек ялан çавăн пирки... Урăх сăмах та çук тейĕн!

Кам эсĕ, сана çăвар карса итлеме?
Микула // 9259.3.8429
2020-01-17 17:39
Ан ӗмӗтлен те Акапасар. Никам та тесе ан суй . Чӑннипе каласан пирӗн истори тата филологи науки республикӑра юлман тесен те юрать. Ҫавӑнпа та наукӑри ирӗклӗх республикӑна туллашран кӑна килӗ. Пирӗн патра вӑл наукӑсем тахҫанах ҫук темелле,темиҫе ҫын кӑна, ытларах ячӗ кӑна. Служилый ӑсчахсем мӗнле майсемпе,меслетсемпе ӗҫӗсене ҫырнисене питӗ аван пӗлетӗп. Служилӑй ӑсчахсен халиччен те хӑйсен ирӗклӗ шухӑш пулман. Пӗтӗмпех юрат-и тесе ыйтса ҫырнисем. Яка чул ҫинче вӑрман ҫитӗнмеҫ. Николай Мефодьев версине ют патшалӑх е пӗр-пӗр Мускав ӑсчахӗ хӑйӗн пек кӑтартса парсан ҫеҫ, "халӗ юрать,малтан та ҫавна каласа эпир" текенсем служилыйсем хушшинче туллиех пулӗҫ.
Паян кун халӑхӑн ытларах пайне ку верси кӑмӑла кайни те ҫителӗклӗ. Интернет пулсан монографи те кирлӗ мар.
Agabazar // 4176.09.4316
2020-01-17 21:13
Agabazar
Епле юлман?
Эс пур вĕт шутсăр ăсли! Сан ăсу çине шанса пурнатпăр пурте.

Е эс хăвна Эмерĕк ăславçи тесе шутлан?

Пăшатан шутласа тупнă теççĕ пĕри. Эсĕ-и вăл? Сан пирки калаççĕ-и çавна?
Микула // 9259.3.8429
2020-01-18 14:13
Кама чураллӑ шухӑшла вӗрентнӗ унтан академик тусан та ҫав чурах юлать. Пирӗн ӑсчахсем пӗр шит те иртмен хушнинчен. Пӗр шит те,ҫавӑнпах ӗнте ыттисенчен кайра. Перестройкӑ та Ельцин вӑхӑтӗнчи уҫӑ сывлӑш та пулӑшаймарӗ ирӗклӗ шутлама. Ирӗксӗр ӑс наукӑшӑн тухӑҫсӑр,ытларах чух пирӗн служилый ӑсчахсем тухутлӑ вырӑн тупасси енпе кӑна маттур.
Философ мар эс Акапасар,ирӗклӗ ҫын та мар. Корольне ҫара тесе калаканни чи ӑсли пулман, ирӗклӗ шутлаканни пулнине те пӗлместӗн. Пирӗн те ҫавах ,чӑвашӑн чӑн ятне тупса палӑртма ытларах ирӗклӗ шутлама пӗлни пулӑшнӑ,ӑслӑ академиксен ӑслӑ шухӑшӗ мар.
Микула // 9259.3.8429
2020-01-18 14:31
Тӗслӗхрен илер ,чӑвашсен тӗнӗ . Академиксем хыҫҫӑн кайсан каллех ни апла ни капла пулса тухать. Тахҫан ҫӳлтен персе панӑ тезиссене пур ҫӗре те сӗтӗреҫҫӗ,паян та,анчах та кивельнӗ вӗсем ытларах,кивельнӗ. Ҫӗнӗлле пӑхма каллех Мускаври Академинчен хуши кирлӗ тата мӗнле ӑнлантарса памалли инструкци. Пирӗн ӑсчахсем крепостной вӑхӑтӗнчи пекех ирӗксӗр. Итлемесен звани памаҫ тесе хӑраҫ пулмалла.
Чӑваш тӗнӗ Атӑлҫи Пӑлхар вӑхӑтӗнчи ислам,нимӗнле "язычество" та мар .Хусан тутарсен -кайранхи,Орда вӑхӑтӗнчи ислам. Тутара тухни тени вӑл ислам тӗнне урӑхларах йӑшӑнни кӑна. Служилый ӑсчахсем каласса ан кӗтӗр- паянх Хусан тутарсен исламӗ болгар исламӗпе пӗрешкель мар -тессе. Мӗншӗн тесен паян пирӗн ӑсчахсем икӗ кремльтен те "зависимый".
Микула // 9259.3.8429
2020-01-18 15:08
Шухӑшсен "ирӗксӗрлӗхне" ҫирӗплетекен эксперимент ирттертӗм. Ҫапларах пулчӗ. Етӗрне асӑнни 1590 ҫулта тесе йӑшӑннӑ пулнӑ малтан, кайранрах "Ядринская волость" тени те документсенче тупӑннӑ. Волость ятне маларах асӑннӑ (1588)Логика тата наука енчен пӑхсан Етӗрне икӗ ҫул аслӑрах пулать анчах мар тата унӑн малтанхи тапхӑрӗ чӑвашсемпе тачӑрах пулать.
<br> Чиновниксене паллах хушу тата экспертсен шухӑшӗ кирлӗ тесе "гум институт" тенине ҫитрӗм. Латнӑ кайса куртӑм,унсӑрӑн ,пирӗн, ыттисемпе танлаштарсан лайӑхрах,аптрамастпӑр-ха тесе татах та шутлаттӑм. Сталин вӑхӑтӗнчи кантурӑна кӗрсе тухнӑ пекех туйрӑм. Чи вӑйлӑ тата сарӑлнӑ унти аргумент "если раз решили зачем трогать" тени пулчӗ. Унта нимӗнле "прорыв" те пулаймӗ,шыв пӑрӑхсӑр пуҫне,ӑҫтан чӑваш ятне палӑртса парасси пултӑр.
<br>
Agabazar // 2559.04.6906
2020-01-19 00:27
Agabazar
Халлап çапма пăрах, Микула. Етĕрне пирки сансăрах тахçанах пĕлеççĕ ăна. Тем тупнă упăте пек çатăлтатса ан тăр.

Страницăсем: 1, 2

Добавить новый комментарий

Ваше имя:
Ваш комментарий:
B T U T Заг1 Заг2 Заг3 # X2 X2 Ӳкерчĕк http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Если у вас все еще нет раскладки для печати текста на чувашском языке, ее можете взять ЗДЕСЬ.

Разрешенные Wiki тэги:

__...__ - выделение слова ссылой.

__aaa|...__ - выделение некого слова ссылкой на другое слово.

__http://ya.ru|...__ - выделение слова ссылкой на внешнюю ссылку.

**...** - выделение жирным.

~~...~~ - выделение курсивом.

___...___ - выделение подчеркиванием.


Orphus

Баннеры

Счетчики

 
О сайте | Помощь сайту | Статистика
(c) 2005-2017 Chuvash.Org | Номер свидетельства о регистрации в качестве СМИ: ЭЛ № ФС 77 - 68592, выдано 3 февраля 2017 года Федеральной службой по надзору в сфере связи, информационных технологий и массовых коммуникаций (Роскомнадзор).
Содержимое сайта (кроме статей, взятых из других источников) публикуется на условиях CreativeCommons Attribution-ShareAlike 3.0. Вопросы по работе сайта: site(a)chuvash.org