: ЧӐВАША ВӖРЕННӖ ҪЫНСЕМ ПӖТЕРЕҪҪӖ!!!

27.02.2011 23:2363952 просмотров

Ҫамрӑк чухне те мана ҫак ыйту канӑҫ паман: мӗншӗн ЭПИР, ХАМӐРА ХИСЕПЛЕКЕН МАТТУР ЧӐВАШСЕМ , вырӑсланса пыратпӑр??? Тен, эсир пӗлетӗр? Камран кӑна ыйтмарӑм, кампа кӑна кун пирки канашламарӑм, анчах та хуравӗ ҫук темелле. Ҫак ыйту ҫине хурав тупаймасан тӑван халӑхӑмӑрӑн пуласлӑхӗ пирки калаҫма йывӑр. Пирӗн халӑх ЧИРЛӖ. Чире юсама тӗрӗс диагноз лартас пулать. Унсӑррӑн сыватма хӗн. Хӑвӑрӑн шухӑшӑрсене ҫырӑр тархасшӑн. Тавлашура чӑнлӑх ҫуралать.

Ман шутпа, пӗтӗм айӑп – вӗреннӗ ҫынсенче. Вӗсем тӑрӑшнипе эпир пӗтетпӗр. Хамӑн шухӑша ҫирӗплетме историрен темиҫе тӗслӗх те илсе пама пултаратӑп: вырӑссем французланни, пуҫлӑхсем ашшӗ-амӑш тӗнне манса ют религие халӑх хушшинче сарни…

От редакции: Размещение статей не означает, что редакция разделяет мнение его авторов.

[Добавить новый комментарий (188)]

Аçтахар Плотников // 5043.2.1941 2011.05.09 22:49
	«мама»-«папа» тенинче те айăпĕ пур пулĕ те, анчах та тĕп сăлтавĕ вăл мар. Мана, сăмахран, «мама»-«папа» теме вĕрентнĕ. Анчах та килте яланах чăвашла калаçнă.
Елена // 2666.09.2156 2011.05.10 08:54
	эп те папа-мама тесе ÿснĕ.Маншăн атте-анне сăмах - мама-папа сăмахпа пĕр тан.Вăл маншăн ЮТ. Ати-апи сăмах вара тĕлĕнмелле чуна çывăх. Ачасем кун пек чĕнсен чĕре ирĕлсех каять. ачамсем те çакна сисрĕç. Хăйсемех апи теме пуçларĕç.
Тимер // 8568.8.6851 2011.05.10 11:14
	Папа-мама вăл принциплă япала. Ачаранах пуç мимине кÿртетпĕр вырăсли çÿллĕрех шайра,кирлĕрех пулнине. Сан пеккисем вара чăн патриотсем,Микулай,çукпа пĕрех. Ма тутарсен папа-мама çук?
Аçтахар Плотников // 5043.2.1941 2011.05.10 11:35
	Ĕç-пуç принциплинче мар. Хăнăхнинче, усă курнинче. Тăваттăн «папа-мама» тенĕ хыççăн пиллĕкмĕш те «папа-мама» тет. Тăваттăн вырăсла калаçсан пиллĕкмĕш те вырăсла калаçĕ. Халăх хăйсен пуçĕпе шухăшласшăн мар-çке. Ыттисем мĕнле — вăл та çапла тăвать. Ыттисенчен уйрăм (çын хыççăн каймасăр), принципиаллă, хăйне евĕрлĕ пурăнма пултаракансем — сайра.
Акулина // 2571.60.3660 2011.05.11 15:28
	Аттен шăллĕ Çĕпĕрте пурăннă, ачисене папа-мама тетернĕ. Кайран яла куçса килнĕ, вĕсем хыççăн эпир те, пĕчĕкскерсем, папа-мама тесшĕн пулнă. Атте пире чăвашлах калаттарса ÿстерчĕ. Атте çĕнтернĕ.
Атл // 1144.31.3791 2011.05.11 19:51
	3 çулччен 3 тĕрлĕ чĕннĕ кÿршĕ ачисенчен илтсе:апи,мама,анне - ачашăн интереслĕ..Атте- ялан атте.2-3çулта юрланă:"Манмаспр-манмаспр нихçан та.." Малалла мĕнле - пĕльместĕп
Елена // 2666.09.2156 2011.05.16 09:13
	Ачасем 7 çула çитсен апи теме пуçларĕç. Хăйсемех. Малтан выляса калатчĕç пулсан, халĕ - ăнлансах. Апи тесен - эпĕ хам сисмесĕрех ырă енне улшăнатăп иккен. Амăш туйăмĕ халь тин вăрана пуçларĕ.
Тимĕрке Митяй // 3125.60.8464 2011.05.16 16:00
	shanchak çирнă: *Ачасем 7 çула çитсен апи теме пуçларĕç.* Аттене атте теççĕ-и?
Елена // 2666.09.2156 2011.05.16 16:46
	Аттене хальлĕхе папа теççĕ. Атти теме вĕренеççĕх пулĕ тетпĕр
Тимĕрке Митяй // 3649.50.6070 2011.05.16 18:26
	Мана та çав папа теççĕ.Атте тесен питĕ килĕшеччĕ те, хале мăнуксене асатте теме вĕрентес тесе шутлатăп:).