Аçтахар Плотников: Майӗпен чӑваш карттине ӑсталатӑп

Аçтахар Плотников10.02.2014 00:1321681 просмотров

Паян кунӗпе тенӗ пекех чӑваш карттине ӑсталаса лартӑм.

Ҫапларах пулать вӑл:

Паян эп Шупашкар районӗнчи ялсене кӗртрӗм, тата Шупашкар хулине вырнаҫтартӑм. Кашни кун перер район тусан уйӑх хушшинче хатерлесе ҫитерме пулать те.

Чи малтанах кашни ялӑн ӗлкине тӑвасшӑнччӗ, анчах А1 форматпа пичетлесен те вӗсем ытла вӗтӗ пулаҫ иккен. Вара пысӑк ял-хуласенне кӑна ҫапла тума шутларӑм: Ишлей, Тренкасси, Апаш + район центрӗсенне.

Район центрӗсемпе хуласен ячӗсене ҫавах та икӗ чӗлхепе парас терӗм :) // пӗрисем ҫавнашкал картата кӑларнӑччӗ — район центрӗсене те пулин чӑвашла ҫырса тухнӑччӗ.

Тӗп ҫулсем хушшине эп район центрӗсене илсе ҫитерекеннисене те кӗртрӗм.

Шел те, пур яла та кӗртеймӗн ҫав — кӗртес тесен ытла вӗтӗ шрифтпа пичетлеме тивет.

Тӗпӗ валли эп Яндекс карттине илтӗм — унтан вармансемпе юханшывсене касса кӑлартӑм. Ҫавах та кайран юханшывсене тата тепӗр хут хулӑмраххӑн палартса тухма тивет пуль.

Тата ҫулсене май ҫитнӗ таран ытларах кӑтартмалла пуль?

Менле шуталтӑр, хӑвсамӑрӑн шухӑшара пӗлтерӗр-ха.

Тата ыйту: пичетлесе кӑларсан туянакансем тупӑнӗҫ-ши?

От редакции: Размещение статей не означает, что редакция разделяет мнение его авторов.

[Добавить новый комментарий (50)]

См. также

2021.01.28

Agabazar // 3944.48.4283 2014.08.01 21:21
	Ишлĕ-Шетмĕ (патăрьел районĕ). Ишлĕ мар. Улатăр хулин вырăсла ятне мĕншĕн илсе кăтартнă-ши тата? Вăл енне кайсан, ПУРНЕ ТЕ çапла тумалла
Аçтахар Плотников // 5043.2.1941 2014.08.01 22:12
	«Улатăр хулин вырăсла ятне мĕншĕн илсе кăтартнă-ши тата? Вăл енне кайсан, ПУРНЕ ТЕ çапла тумалла» Район центрĕсен пурин те — Чăвашла тата Вырăсла ячĕсем. http://enc.cap.ru/?t=world&lnk=2137 — Чăвашли çук тет :(
Agabazar // 1415.6.7437 2014.08.02 19:29
	Ясная Поляна. Хут çинче çапла иккенне эп хам та пĕлетĕп. Чăннипе вăл чăнах та АПРУШНАЙ http://gov.cap.ru/Publication.aspx? ... &id=216831&type=publ
Аçтахар Плотников // 5043.2.1941 2014.08.03 15:36
	http://img-fotki.yandex.ru/get/6847 ... 65_4493ad8c_orig.jpg — Пăрачкав районĕ
Аçтахар Плотников // 5043.2.1941 2014.08.04 00:51
	http://img-fotki.yandex.ru/get/6838 ... 14_8c00b954_orig.jpg — Вăрнар районĕ (Кушик патĕнче пăнчă çуккине асăрхарăм, юсарăм) Паян икĕ район турăм, тата 6 юлчĕ...
Нина // 1654.91.6734 2014.08.05 18:25
	МАТТУР! Анчах та Йăнтăрччă сăмахра мĕншĕн икĕ чч сас палли çырнă-ши?
Аçтахар Плотников // 5043.2.1941 2014.08.12 22:39
	Энциклопедире çавнашкал...
Аçтахар Плотников // 5043.2.1941 2014.08.12 22:40
	http://img-fotki.yandex.ru/get/6700 ... ee_de0a18cd_orig.jpg — Çĕмĕрле районне турăм.
Аçтахар Плотников // 1112.37.1875 2014.08.30 00:03
	Тракпа Элĕк районĕсене турăм: http://img-fotki.yandex.ru/get/6801 ... 6f_97d29def_orig.jpg (Красноармейски) http://img-fotki.yandex.ru/get/6811 ... 70_91913c64_orig.jpg (Элĕк) Район центрĕсене чăвашла кăна хăварас терĕм. Пур вырăнта та вырăсла ячĕсене хуратрăм.
Аçтахар Плотников // 3539.10.3538 2014.08.30 22:20
	http://img-fotki.yandex.ru/get/6815 ... 9b_4c87c236_orig.jpg — Хĕрлĕ Чутай районĕ. Паян тата район чиккисене туса тухрăм. //эх, тата 2 район кăна юлать: Етĕрнепе Муркаш.