Такам хыçра вартатчĕ палăк:
Кевти1 чиперччĕ... ячĕ — ман?
Чĕнмесĕр, шăппăн хупрăм алăк...
— Вилсе-шим эп...?
— Вилсе.
— Хăçан?
— Ик çул иртет. Хамах пытартăм:
Никам пĕлмерĕ ăçтине.
— Вăрман хăлхаллă, уй курса-тăр?
— Шырарĕç, тухрĕç йĕр çине...
Тăпру çинче сиксех ташларĕç,
Сарса янратрĕç кĕреке.
Кашни — асра: часах лăпланĕç,
Яту çĕкленĕ ирĕке.
Хăвна чарма... пĕр вăй çеç — вилĕм,
Чарать те — вăхăтлăх кăна.
Пин хут кайса пин хут эс килĕн —
Хальччен никам витмен чăна.