Асаплă-çке çак шăплăхшăн юрру,
Туймастăн-им, мăнтарăн сарă кайăк?
Тĕнчем, ăçта сан çылăхсăр Турру?!
Никам та çук. Ытла та тунсăх. Лайăх!
Куçран-куçа юлатпăр шăплăхпа.
Шăп иккĕн çеç никам илтми пуплетпĕр.
Мана эс, шăплăх, тутлă канлĕх пар,
Сана чĕре уççи парнелĕп эпĕ.
Чун тĕкĕрĕ, чăнах та, эс кăна.
Кунта чухне ытарлăхсăр-мĕн эпĕ.
Тен, пулăп саншăн яланхи хăна,
Никам ăнланайми пулсан — килетĕп.