Тĕнче варри — Чăваш çĕршывĕ,
Ытла та çывăх-çке чуна.
Кунта чухне кăна эп сывă,
Телейлĕ эп кунта кăна.
Ăçта кайсассăн та пĕр эсĕ
Ман аçăмра, ман чунăмра.
Тӳпе-аттен тулли чĕресĕ
Телей çеç тăктăр Чăвашра.
Инçе çулта пит ывăнсассăн
Аса илетĕп пĕр сана,
Сывлассăм çук нихçан та ассăн —
Çунат хушатăн эс мана.
Пин-пин çулсем, Чăваш çĕршывĕ,
Эс пурăн çакă çĕр çинче.
Санра кăна тасалăх шывĕ,
Эс пуррипе хитре тĕнче.
Эс пуррипе кăна юрлатăп,
Эс пуррипе манра талант.
Сана мухтас тесе тупатăп
Хамра çĕн вăй та çĕн хăват.
29.03.2007