Пĕчĕк çеç, улттăри ывăлна,
Ас илетĕн-ши эсĕ, анне?
Епле хытартăн-ши кăмăлна,
Парăнса ют арçын туйăмне.
Юхать куççулли ман, юхать,
Туймастăн-им, аннем, çавна?
Чĕрӳ-ши мĕнле ыратмасть?
Килсемччĕ, илсем ытамна!
Ют çемьере эс пурăнатăн.
Тупрăн-и, аннеçĕм, телейне?
Пĕртен-пĕр тĕпренчĕкне мантăн,
Юрать-ха пур ман ват асанне.
Юхать куççулли ман, юхать,
Туймастăн-им, аннем, çавна?
Чĕрӳ-ши мĕнле ыратмасть?
Килсемччĕ, илсем ытамна!
Аттем пĕр хыпарсăр çухалнă —
Пуçне хунă хаяр вăрçăра.
Анне — амăш тивĕçне маннă:
Чĕринче питĕрĕнчĕк çăра.
Юхать куççулли ман, юхать,
Туймастăн-им, аннем, çавна?
Чĕрӳ-ши мĕнле ыратмасть?
Килсемччĕ, илсем ытамна!