Çунса кĕлленчĕ чун, çунса кĕлленчĕ!
Вутра тĕп пулчĕ юрату та ырату.
Кĕл сывламасть. Вăл сивĕ те йӳçенчĕк.
Вăл вилĕ, чĕрĕ мар, ан пыр патне, асту.
Те сӳнчĕ пурнăç, те сӳнклен, — вĕссĕр?
Те хăвăрт ирĕлсе пĕтет çурхи юр пек?
Пăхать хĕвел çавнă пĕлес темесĕр.
Сăнать хир-вăрмана, çĕр анлăшне — тӳпе.
Ун чух кĕрленĕ пур яш туйăм-сисĕм
пĕр чăрсăр, пĕр айван курнать халь куçăма.
Чун кĕлленмест сăлтавсăр, ним уссисĕр.
Вăл кĕл çеç мар — вут çуннă вырăн, кĕл çеç мар!
Мĕскер-ши? Ма хальччен пĕлместĕп? Намăс!
Тен, вăхăта манса, çулсем чылай иртсен,
çапах та пымалла çăв вырăна ман:
туйса илес тесе — ма чĕрĕ, ма вилмен...