Ăсатăр, тăвансем,
Эсир ăсатăр
Хамăр çĕртен-шывран,
Ай, тухиччен.
Хамăр та çĕршывран
Тухнă çĕрте
Шăнкăртатса выртать
Ай, юханшыв.
Шăнкăртатса выртать,
Ай, сулхăн шыв,
Выртса ĕçрĕм, аннеçĕм,
Эп куркасăр.
Ăшăм та каннине
Пĕлнĕ пулсан,
Татах та ĕçес-мĕн
Сулхăн шывне.
Пуçăм çухаласса
Пĕлнĕ пулсан,
Татах калаçас-мĕн
Тăвансемпе.
Татах калаçас-мĕн
Тăвансемпе
Чĕлхе çинчи сăмахсем
Ай, пĕтиччен.
Чĕлхи çинчи сăмахсем
Ай, пĕтиччен,
Пуçра пур хуйхă та,
Ай, сӳниччен.