Войти | Регистрация | Вход необходим для полного использования сайта
 +3.0 °C
Самое ценное в жизни и в стихах - то, что сорвалось.
(М. Цветаева)
 

Софья Савнеш: ЕТК карточкипе усӑ курас килсен чылай нушаланмалла

Софья Савнеш23.02.2017 20:39592 просмотров

«Паянтан — 17 тенкӗ!» — кондуктор калани шартах сиктерчӗ. Чӑнах та, нарӑс уйӑхӗн 20-мӗшӗнчен пуҫласа троллейбуспа ҫӳренӗшӗн 15 тенкӗ мар, 17 тенкӗ тӳлемелли пирки унчченех калаҫма тытӑннӑччӗ-ҫке-ха. Нарӑсан 20-мӗшӗ епле ҫитсе тӑнине асӑрхаман та! «ЕТК илӗр, капла 4 тенкӗ йӳнӗрех ларать, 13 тенкӗ ҫеҫ тӳлемелле», — сӗнчӗ кондуктор. Чӑнах та, питӗ лайӑх шухӑш — каяс та туянас!

ЕТК картточкӑпа ҫӳреме йӳнӗ пуль-ха та, анчах ӑна туянас тесен ҫыннӑн мӗн чухлӗ чупма тивет. Шупашкарти «Элара» патӗнче вырнаҫнӑ Перекет банкне кӗтӗм. Унта — черет. Пӗр аппарат патне пырса карточкӑна туянмалла, укҫа хурас тесен вара урӑх черете тӑмалла… Чӑннипе каласан, унашкал черет тахҫанах курманччӗ. Совет Союзӗнче, лавккара япала, апат-ҫимӗҫ дефицит чухне, кун пеккине курма май пулнӑ-ха. Ун чухне кӑлпасси илме тем вӑрӑмӑш черет тӑнӑ. Халӗ те ҫав вӑхӑта таврӑннӑ тейӗн — васкамалла пулсан та черет ниепле те хӑвӑрт шумасть. Карточкӑна туянма кӑна пултартӑм. Алӑ сулса тухса кайрӑм. Каҫхине Николаев урамӗнче вырнаҫнӑ Перекет банкне кӗтӗм. Телее, хальхинче черет пулмарӗ, ЕТК карточка ҫине укҫа чиперех хутӑм.

Пурнӑҫ урхамах пек малалла ӗрӗхет, ЕТК карточка та хальхи саманапа килӗшсе тӑрать, уҫа курма меллӗ. Ун пирки нумай калаҫаҫҫӗ, рекламӑлаҫҫӗ. Анчах, манӑн шухӑшпа, карточка ҫине укҫа хумалли тытӑма йӗркелесех ҫитермен. Тӗслӗхрен, «Сбербанк-онлайн» сайта кӗрсе укҫа хума ҫук. Раҫҫей почтин мӗнпур уйрӑмӗнче те ку енӗпе ӗҫлемеҫҫӗ. Тӗнче тетелӗнче кун пирки нумай ҫын хӑйӗн шухӑшне пӗлтернӗ. Хӑшӗ-пӗри терминалта карточка ҫине укҫа хурайман — япӑх ӗҫлет-мӗн (хам та укҫа хунӑ чухне хӑш менюне кӗмеллине аран-аран шыраса тупрӑм). Тата карточка пур кӗтесе те сутлӑха ҫитеймен. Калӑпӑр, Ҫӗнӗ Лапсарта пурӑнакансен ӑна вырӑнта туянаймаҫҫӗ, Шупашкара кайма тивет.

Кӑҫалхи кӑрлачӑн 1-мӗшӗнчен пуҫласа пур транспортра та ЕТК карточкӑна йышӑнмалла. Анчах пур водитель те терминал лартман, ҫавна май тавлашусем тухаҫҫӗ. Хӑш-пӗр водитель ҫакӑншӑн пассажира кӑларса ҫапать. Анчах ку — саккуна пӑсни. Терминал ҫук-тӑк пассажир тӳлевсӗрех кайма пултарать.

ЕТК карточкӑпа мӗнле усӑ курмаллине йӑлтах тӗнче тетелӗнче ҫырса кӑтартнӑ. Ятарлӑ сайт та пур. Унта ыйтусем сиксе тухсан хӑш номерпе шӑнкӑравламаллине те кӑтартнӑ. Анчах, шел те, телефонӑн леш вӗҫӗнче чылай чухне калаҫаҫҫӗ. Е ӑна пачах никам та тытмасть.

Вӑт ҫавӑн пек: кӗсьери укҫана перекетлес, транспортра йӳнӗрех хакпа ҫӳрес килсен самаях нушаланма тивет.

 

Добавить новый комментарий

Ваше имя:
Ваш комментарий:
B T U T Заг1 Заг2 Заг3 # X2 X2 Ӳкерчĕк http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Если у вас все еще нет раскладки для печати текста на чувашском языке, ее можете взять ЗДЕСЬ.

Разрешенные Wiki тэги:

__...__ - выделение слова ссылой.

__aaa|...__ - выделение некого слова ссылкой на другое слово.

__http://ya.ru|...__ - выделение слова ссылкой на внешнюю ссылку.

**...** - выделение жирным.

~~...~~ - выделение курсивом.

___...___ - выделение подчеркиванием.


Orphus

Радио (25.04.2017)

21:10
 
Каçхи мик (12+)
22:00
 
Хыпарсем (12+)
22:10
 
Каçхи мик (12+)
23:00
 
Новости (12+)
23:10
 
Юрă вăчăри (12+)

Баннеры

 
О сайте | Помощь сайту | Статистика
(c) 2005-2017 Chuvash.Org | Номер свидетельства о регистрации в качестве СМИ: ЭЛ № ФС 77 - 68592, выдано 3 февраля 2017 года Федеральной службой по надзору в сфере связи, информационных технологий и массовых коммуникаций (Роскомнадзор).
Содержимое сайта (кроме статей, взятых из других источников) публикуется на условиях CreativeCommons Attribution-ShareAlike 3.0. Вопросы по работе сайта: site(a)chuvash.org