Войти | Регистрация | Вход необходим для полного использования сайта
 -1.0 °C
Жизнь слишком важна, чтобы рассуждать о ней серьёзно.
(О. Уайльд)
 

Софья Савнеш: Хуйхӑпа усӑ курса чике тӑршшӗ лартса хӑвараҫҫӗ

Софья Савнеш31.07.2016 15:481028 просмотров

Нумаях пулмасть тӑванӑн телефонӗ ҫине СМС-ҫыру килчӗ. «Ывӑлӑр аварие лекнӗ. Ӑна пула ҫынсем аманнӑ. Ӑна тӗрмерен хӑтарас тесен укҫа тӳлеме тивӗ. Ҫак номерпе шӑнкӑравлама пултаратӑр», — тесе ҫырнӑ унта. Тӑванӑм ватлӑх енне сулӑннӑ. Унӑн ывӑлсем те, хӗрсем те пур. Ҫырӑва курсан хӑраса ӳкнӗ вӑл. Ара, мӗнле амӑшӗн тӗпренчӗкӗ пирки кунашкал хыпар пӗлсен сехри ан хӑптӑр? Тӳрех шӑнкӑравлама тӑнӑ вӑл. Юрать, кӗҫӗн хӗрӗ юнашар пулнӑ. Вӑл ултавҫӑсен серепи пулнине тӳрех ӑнкарнӑ.

Вӑхӑт иртнӗ. Хуравламаннине кура лешсем татах тапӑннӑ. Унашкал СМС-ҫырусем татах янӑ. Юлашкинчен кӗҫӗн хӗрӗ чӑтайман — кӑтартнӑ номерпе шӑнкӑравланӑ та эх! тустарнӑ та тустарнӑ. Кун пирки полицие пӗлтерессипе хӑратсан ҫеҫ хӑпнӑ ҫавскер.

Кунашкал тӗслӗхсем нумай тӗл пулаҫҫӗ. Шӑнман пӑр ҫине ларса юласси инҫех мар. Уйрӑмах аслӑ ӳсӗмри ҫынсем ӗненеҫҫӗ ултавҫӑсене.

Ултавҫӑсем ҫын куҫҫулӗ ҫинче пуяҫҫӗ. Пӗр хӗрарӑм ачипе Шупашкар урамӗпе пынӑ. Вӗсем патне палламан хӗрарӑм пынӑ. «Сирӗн умран иртсе каяймастӑп. Эсир хӑрушлӑхра», — тенӗ вӑл. Лешӗ хӑраса ӳкнӗ. Ара, унӑн ҫемйинче чӑнах та пӑтӑрмахсем пулнӑ. Ҫитменнине, ҫав самантра, «экстрасенс» килӗ патне утнӑ чухне, ӑна тав тӑвакан ӑнсӑртран тупӑннӑ. Хайхи экстрасенс ҫемьене «тасатмашкӑн» укҫа кирлине пӗлтернӗ. 40 пин тенке экстрасенс ҫав кунах ҫав вырӑнта тавӑрса пама шантарнӑ. Анчах йӗп пек ҫухалнӑ вӑл.

Нумаях пулмасть Муркаш районӗнче пурӑнакан пӗр хӗрарӑм та суя-экстрасенсран шар курнӑ. Ун пирки вӑл телевизорпа курса пӗлнӗ. Хӗрарӑм ҫемьере хуйхӑ пулнӑ. Экстрасенс йӑлтах вырӑна лартма шантарнӑ, йӑла-йӗркене пурнӑҫлама пӗр вӗҫӗм укҫа ыйтнӑ. Лешӗ 700 пин тенке яхӑн тӑкакланӑ.

Ҫемьере пӑтӑрмах сиксе тухсан экстрасенсран пулӑшу кӗтмелле мар. Тен, вӗсем гипнозпа усӑ курса ҫынна чике тӑршшӗ лартса хӑвараҫҫӗ? Ҫӑмӑл мелпе пуйма ӗмӗтленекенсем халӗ нумай. Кун пирки йӗрке хуралҫисем кашни кун чан ҫапсан та ҫынсем ултавҫӑсене ӗненме пӑрахмаҫҫӗ.

Манӑн тӑванӑм та чутах вӗсен аллине ҫакланман. Усал хыпар пӗлсен ҫын тӳрех ҫухалса каять, ун пек самантра ӑна мӗн хушан — ҫавна пурнӑҫлать вӑл. Ывӑлӗ е хӗрӗ, тӑванӗ инкеке ҫакланнине пӗлсен чи малтан ун патне шӑнкӑравласа пӗлмелле. Чӑнах та пулӑшу кирлӗ-и ӑна?

 

Добавить новый комментарий

Ваше имя:
Ваш комментарий:
B T U T Заг1 Заг2 Заг3 # X2 X2 Ӳкерчĕк http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Если у вас все еще нет раскладки для печати текста на чувашском языке, ее можете взять ЗДЕСЬ.

Разрешенные Wiki тэги:

__...__ - выделение слова ссылой.

__aaa|...__ - выделение некого слова ссылкой на другое слово.

__http://ya.ru|...__ - выделение слова ссылкой на внешнюю ссылку.

**...** - выделение жирным.

~~...~~ - выделение курсивом.

___...___ - выделение подчеркиванием.


Orphus

Радио (25.03.2017)

18:20
 
Окно в природу (12+)
19:00
 
Новости (12+)
19:10
 
Кĕрекене пуçтарăнсан (12+)
19:20
 
Уйăхпи юмахĕсем (0+)
20:00
 
Каçхи микс (12+)
21:00
 
Каçхи микс (12+)
22:00
 
Юрă вăчăри (12+)
23:00
 
Юрă вăчăри (12+)

Баннеры

 
О сайте | Помощь сайту | Статистика
(c) 2005-2017 Chuvash.Org | Номер свидетельства о регистрации в качестве СМИ: ЭЛ № ФС 77 - 68592.
Содержимое сайта (кроме статей, взятых из других источников) публикуется на условиях CreativeCommons Attribution-ShareAlike 3.0. Вопросы по работе сайта: site(a)chuvash.org