Войти | Регистрация | Вход необходим для полного использования сайта
 +7.3 °C
Любая жизнь начинается с конца.
(Д. А. Марков)
 

Аçтахар Плотников: Геннадий Волков палӑкне хӑҫан вырнаҫтарӗҫ-ши?

Аçтахар Плотников17.09.2014 19:094402 просмотров

Шупашкарӑн аслӑ урамӗпе утнӑ май Геннадий Никандрович Волков ячӗллӗ сквер пулмалли вырӑна ҫитсен яланхилле ҫак палӑкӑн шӑпи мана пӑшӑрхантара пуҫлать.

Ҫак пархатарлӑ ӗҫе пӗлтӗр пуҫӑннӑччӗ — 2013 ҫулхи кӑрлачӑн 25-мӗшӗнче конкурс ирттерсе Владислав Немцовӑн кӳлепене суйланӑччӗ. Вӑл метр ҫурӑ ҫӳллӗш, пӑхӑртан пулмаллаччӗ. Палӑк валли 1,2 метрлӑ гранитлӑ постамент та хатӗрлемеллеччӗ.

Унтанпа вӑхӑт шурӗ те шурӗ. Юпа уйӑхӗн 31-мӗшӗ те ҫитрӗ (паллӑ ӑсчахӑн ҫуралнӑ кунӗ), анчах палӑк Ленин проспектӗнчи вырӑна ниепле те йышӑнаймарӗ. Паян кун та унта пӗр гранит плита кӑна выртать. Сас-хура ҫӳренӗ тӑрӑх укҫи-тенкине ҫухатнӑ пулать-и?

Чи хӑрушши ҫакӑнта — паллӑ ӑсчаха, Раҫҫейӗпе мухтава тивӗҫлӗскере хамӑрӑн ҫынсемех ҫителӗклӗ палӑртма пултарайманни. Тепӗр тесен, тен, этнопедагогика хальхи вӑхӑтра чыслисен ретӗнчен тухса ӳкнинчен ку пырать? «Россиянин» текенскерсене ҫитӗнтерме хӑтланнӑран этнопедагогика кирлех те мар пулинех. Ҫавӑнпа та паллӑ ӑсчахӑн ӗҫне те ытлашшиех хакламаҫҫӗ те пуль.

Тепӗр енчен пӑхсан вара — ҫав вырӑнта пӗр-пӗр чиркӳ (ан тив, вырӑнӗ пысӑк мар тейӗпӗр, анчах часовня валли те пулин ҫитетех) туса лартма шутласанах ӑна срокне пӑхмасӑр хӑпартӗччӗҫ, укҫине те ҫителӗклех тупӗччӗҫ, ҫухатмӗччӗҫ, ҫаратмӗччӗҫ.

Тен, чӑн та, палӑкшӑн пӑшӑрханма кирлӗ мар? Пӗлтӗр те, кӑҫал та нимӗнле юбилей та мар. Ак 2017 ҫул ҫитӗ те — ун чухне вӑл 90 ҫул тултарнӑ пулӗччӗ — ҫавра ҫул тесе палӑк хӑйӗн вырӑнне тупӗ...

 
От редакции: Размещение статей не означает, что редакция разделяет мнение его авторов.

Комментарии:

Тай // 3913.58.4645
2014.09.18 10:06
Конгресри Костя Портнов палăк валли укçа чылай пухрĕ учительсенчен.Регионсенчен çĕршер пин ярса панă терĕç конгресра.Пулатех ĕнтĕ палăкĕ.Нивушлĕ академик ячĕпе спекуляци тăвĕç?
Agabazar // 4458.6.7727
2014.09.18 20:23
Agabazar
Хальхи пурнăçра чĕртсе тăратсассăн (вăрçă пырать...) мĕн тенĕ пулĕчччĕ-ши Хуначи Кашкăр?..

Добавить новый комментарий

Ваше имя:
Ваш комментарий:
B T U T Заг1 Заг2 Заг3 # X2 X2 Ӳкерчĕк http://
WWW:
ĂăĔĕÇçŸÿ
Всего введено: 0 симв. Лимит: 1200 симв.
Если у вас все еще нет раскладки для печати текста на чувашском языке, ее можете взять ЗДЕСЬ.
 

Разрешенные Wiki тэги:

__...__ - выделение слова ссылой.

__aaa|...__ - выделение некого слова ссылкой на другое слово.

__http://ya.ru|...__ - выделение слова ссылкой на внешнюю ссылку.

**...** - выделение жирным.

~~...~~ - выделение курсивом.

___...___ - выделение подчеркиванием.

Orphus

Другие языки

Баннеры

Счетчики